Згуляўшы апошні матч першага круга чэмпіяната Менска Тарпеда занімала пятае месца, але дзякуючы тэхнічнай “перамозе” над шахцёрам апынулася на трэцім.
Нагадваем, што Фінансіст зняўся з чэмпіяната і ўсе вынікі гульняў з удзелам гэтай каманды ануляваныя. Шахцёр таксама ўжо не ўдзельнічае ў чэмпіянаце, але вынікі матчаў з удзелам гэтай каманды ўлічваюцца, а камандам, якія не сустракаліся з Шахцёрам залічваюцца тэхперамогі з лікам 3-0.
Чатыры каманды маюць толькі па восем гульняў, бо матчы РЦАП БДУ - БДАТУ і Вясёлы Роджар - Фортрэс перанесеныя на восень.

У першай хатняй гульне чэмпіяната горада Тарпедаўцы саступілі аднаму з галоўных сапернікаў- камандзе Ніка. У першай палове сапернікі абмяняліся ўколамі. Першымі забілі госці. Чорна-белыя зраўнялі лік з пенальці-пасля бясспрэчнага парушэння. Гол забіў Мазанік.
У другім тайме сапернік узяў досведам, і скарыстаўся бадай што адзінай сур’ёзнай памылкай Нашых у абароне, пад час розыгрышу штрафнога. Трапіўшы ў псіхалагічную яму чорна-белыя амаль адразу прапусцілі і трэці. Але за 10-15 хвілін да сканчэння гульні Нашы сабраліся і забілі “працоўны” гол, вызначыўся Харытончык. Атакі на апошніх хвілінах плёну нажаль не прынеслі.
Па заканчэнні першага круга Тарпеда знаходзіцца ў сярэдзіне табліцы(пакуль табліца на сайце не аднаўляецца па прычыне адсутнасці дакладнай інфармацыі ад супрацоўнікаў федэрацыі Менска).

Сённешнім летам за ўсімі гэтымі вавузеламі большасць спартыўных выданняў забыліся не толькі пра ўдзел каманд з Беларусі ў еўракубках, пра матчы на Кубак Краіны, але і пра стагоддзе футбола на Беларусі.А між іншым Міжнародная Федэрацыя Футбольнай Гісторыі і Статыстыкі(IFFHS) афіцыйна лічыць, што першая футбольная каманда з’явілася на Беларусі ў чэрвені-ліпені 1910 года ў Гомелі.

Чытаць далей »

У першай паслякубкавай гульне Тарпедаўцы сустракаліся з дазаявіўшайся ў чэмпіянат Менска некалькі тураў таму камандай з МЛФ Фортрэс. Нажаль у навічкоў было больш матывацыі а таксама нашым далася ў знакі крупная параза ў Кубку Беларусі. І чорна-белыя саступілі 0-1.

Нажаль рэаліі чэмпіяната такія, што немагчыма своечасова аднаўляць табліцу. Таму пакуль на сайце апублікаваная табліца за сярэдзіну чэрвеня. Але па папярэдніх разліках зразумела, што на сённешні дзень Тарпедаўцы займаюць 4-5 месца, але маюць на некалькі гульняў меньш чым сапернікі.

Спадзяемся, што ў бліжэйшы час атрымаецца выцягнуць інфармацыю з супрацоўнікаў федэрацыі і мы ўбачым поўную карціну.

У гульне на Кубак Беларусі супраць нясвіжскага Вераса Тарпедаўцы саступілі 7-0. Абараняцца супраць каманды першай лігі было вельмі цяжка. Нашы хлопцы стараліся як маглі, але клас праціўніка ўзяў сваё.

На гульні прысутнічала каля 200 заўзятараў Тарпеда, з іх 100-120 актыўна падтрымлівалі каманду.

Дзякуй усім чорна-белым на полі і каля яго. Паразы толькі ўзмацняюць Нашу Веру!